Billboard ad 1150*250

મોરબી : ગેસની સમસ્યા અંગે સિરામિક એસોના હોદેદારોની ઉર્જામંત્રી સાથે બેઠક

0 113
Post ad 1

ઉર્જા મંત્રીએ પ્રશ્નના ઉકેલની ખાતરી આપી

        મોરબીના સિરામિક ઉદ્યોગને છેલ્લા સપ્તાહથી ગેસમાં પ્રેશર ડ્રોપની સમસ્યાને પગલે કરોડોની નુકશાની સહન કરવી પડી રહી છે અને ગેસના ધાંધિયાથી ઉદ્યોગજગત પરેશાન છે ત્યારે આ મામલે તાજેતરમાં મોરબી પધારેલા ઉર્જા મંત્રી સાથે સિરામિક એસોના હોદેદારોએ બેઠક યોજી હતી અને ઉર્જા મંત્રીએ પ્રશ્નોના ઉકેલની ખાતરી આપી છે

Post ad 2

        રાજ્યના ઉર્જા મંત્રી અને મોરબી જીલ્લા પ્રભારી મંત્રી સૌરભભાઈ પટેલની મોરબી મુલાકાત દરમિયાન સિરામિક એસો હોલ ખાતે સિરામિક એસોના પ્રમુખો મુકેશભાઈ ઉધરેજા, કિશોરભાઈ ભાલોડીયા, કિરીટભાઈ પટેલ અને નીલેશભાઈ જેતપરિયા તેમજ અગ્રણી ઉદ્યોગપતિઓએ ઉર્જામંત્રી સાથે મુલાકાત કરી હતી અને ગેસના ધાંધિયાથી ઉદ્યોગને થઇ રહેલા નુકશાનથી અવગત કરવામાં આવ્યા હતા જે મામલે જીએસપીસી સાથે ઉર્જામંત્રીએ મસલતો કરી હોય અને પ્રેશર ડ્રોપની સમસ્યાના સમાધાન માટે ગાળા નજીકથી નવી લાઈનો નાખવાની શરૂ કરી દેવામાં આવી છે અને પ્રેશર ડ્રોપનો પ્રશ્ન જલ્દીથી ઉકેલાઈ જશે તેવી ખાતરી મળતા એસોસીએશનના હોદેદારોએ રાહતનો શ્વાસ લીધો છે

ગેસનો વપરાશ ત્રણ ગણો વધ્યો, ભાવઘટાડાની રજૂઆત 

        મોરબીના સિરામિક એકમો દ્વારા પ્રતિદિન ૨૨ લાખ ક્યુબીક મીટરનો વપરાશ હોય તેમજ કોલગેસ પ્રતિબંધ બાદ ૫૦૦ થી વધુ ફેકટરીઓ નેચરલ ગેસનો વપરાશ કરશે જેથી આગામી દિવસોમાં ગેસનો વપરાશ પ્રતિ દિન ૬૫ લાખ ક્યુબીક મીટર જેટલો થશે જેથી સીરમીક એસોના પ્રમુખ કિરીટભાઈ પટેલ સહિતના હોદેદારોએ ગુજરાત ગેસ કંપનીને ભાવઘટાડો કરવા પણ રજૂઆત કરી છે ગેસના ભાવમાં રાહત મળવાથી સિરામિક ઉદ્યોગને વેગ મળશે તેમ પણ જણાવ્યું છે  

Post ad 3
Comments
Loading...
Share This
WhatsApp chat