Billboard ad 1150*250

મોરબી જીલ્લામાં મતદાન પૂર્ણ, જોકે કોણ હરશે અને કોણ જીતશેની ચારેકોર ચર્ચા

0 176
Post ad 1

ચુંટણી ફરજ નિભાવનાર સ્ટાફ પણ સતત કરી રહ્યો છે ચર્ચા

        લોકસભા ચુંટણીમાં ત્રીજા ચરણમાં ગુજરાતની તમામ ૨૬ બેઠકો પર મતદાન પૂર્ણ થઇ ચુક્યું છે અને ગુજરાતમાં સારું એવું મતદાન થયા બાદ હવે કોણ જીતશે અને કોણ હારશે તેવી ચર્ચાઓ શરુ થઇ ચુકી છે સાથે જ ચુંટણી કામગીરીમાં ફરજ બજાવનાર કર્મચારીઓ પણ આજે મતદાનના દિવસના અનુભવોની ચર્ચા સાથી કર્મચારીઓ સાથે કરતા જોવા મળ્યા હતા

Post ad 2

        ગુજરાતની ૨૬ બેઠક માટે યોજાયેલ મતદાનમાં કચ્છ અને રાજકોટ લોકસભા બેઠક વચ્ચે વહેંચાયેલા મોરબી જીલ્લામાં સારું એવું ૬૫ ટકા જેટલું મતદાન થવા પામ્યું છે જેને પગલે રાજકોટ બેઠક પરથી ભાજપે મોહનભાઈ કુંડારિયા અને કચ્છ બેઠક પરથી ભાજપે વિનોદભાઈ ચાવડાને રીપીટ કરેલ હોય જયારે સામાપક્ષે કોંગ્રેસે રાજકોટથી ટંકારાના ધારાસભ્ય લલિત કગથરા જયારે કચ્છ બેઠક પરથી નરેશ મહેશ્વરીને મેદાને ઉતાર્યા હોય ચારેય નેતાઓના ભાવી ઈવીએમમાં કેદ થયા છે અને ઊંચું મતદાન ક્યાં પક્ષ તરફી થયું છે તેના સમીકરણોના ક્યાસ લગાવવામાં બંને પક્ષના આગેવાનો મથામણ કરી રહયા છે આમ તો મતદાન પૂર્ણ થયા બાદ મત ગણતરીના દિવસ સુધી ચુંટણી ફીવર ઘટી જતો હોય છે

જોકે ઊંચું મતદાન થવાને પગલે મોરબીમાં મતદાનના બીજા દિવસે પણ ચુંટણીની ચર્ચા જ જોવા મળી રહી છે આજે મોરબીની સ્થાનિક સ્વરાજની સંસ્થાઓમાં રાજકીય આગેવાનો હોય કે પછી કર્મચારી હોય મતદાનના દિવસની જ ચર્ચા જામી હતી સૌ કોઈ એક જ ચર્ચા કરતા જોવા મળ્યા હતા રાજકીય પક્ષના આગેવાનો મતદાન મથક અને ગામડાઓની ગણતરી માંડીને હારજીતના અંદાજ લગાવતા જોવા મળી રહ્યા છે સાથે જ ચુંટણીમાં મતદાન મથકો સહિતની કામગીરી કરનાર કર્મચારીઓને થયેલા સારા અને નરસા અનુભવોની ચર્ચા સાથી કર્મચારીઓ સાથે જામી હતી અને ચુંટણીનો માહોલ અને ચર્ચા હજુ પણ મોરબીમાં ચરમસીમાએ જોવા મળી રહી છે તેમ કહી સકાય

Post ad 3
Comments
Loading...
Share This
WhatsApp chat