વાંકાનેર એલ. કે. સંઘવી શાળામાં સ્કૂલ સ્પેસ ક્લબ ખુલ્લુ મુકાયું

કેતન ભટ્ટી
વાંકાનેર તા. 24

વાંકાનેરની એલ. કે. સંઘવી શાળામાં જિલ્લા શિક્ષણાધિકારી તથા ટ્રસ્ટીઓનાં હસ્તે સ્કૂલ સ્પેસ ક્લબ ખુલ્લુ મુકવામાં આવ્યું હતું. શાળાનાં પ્રધાનાચાર્યા દર્શનાબેન જાની એ વિગતો આપતા જણાવ્યું હતું કે વિક્રમ સારા ભાઈ કોમ્યુનિટી સાયન્સ સેન્ટર દ્વારા સ્પેસ વિષયક ઓન લાઇન શિક્ષણ સંપૂર્ણ નિઃશુલ્ક આપવામાં આવે છે,

આખા રાજ્યમાંથી માત્ર 15 શાળાની આ સ્કૂલ સ્પેસ ક્લબ માટે પસંદગી કરવામાં આવી છે જેમાથી એલ. કે. સંઘવી શાળા એક છે, ત્યારે વિદ્યા ભરતી ટ્રસ્ટનાં પ્રમુખ પૂર્વ સાંસદ લલિતભાઈ મહેતા એ ગૌરવ અનુભવતા જણાવ્યું હતું કે આ સ્પેસ ક્લબ દ્વારા ગ્રામ્ય કક્ષા નાં વિદ્યાર્થીઓ પણ સ્પેસ ક્લબ અંગે જાણકારી મેળવી શકે માટે મોરબી જીલ્લા નાં વધુ માં વધુ વિદ્યાર્થીઓ આ સ્પેસ ક્લબ માં જોડાય પોતાના ઉજ્વળ ભાવિ નું નિર્માણ કરી શકે છે, ત્યારે વિધાર્થીઓ ને આ સ્પેસ ક્લબ માં જોડાવા અપીલ કરાઈ હતી.